Хичээлээ тараад асран хамгаалагчгүй гэртээ харьж явсан 3 хүүхэд осолд өртжээ

Өчигдөр буюу 2016 оны есдүгээр сарын 1-ний өдөр зам тээврийн осолд өртсөн найман хүүхдээс гурав нь хичээлээ тараад асран хамгаалагчгүй замын хөдөлгөөнд оролцож байх үедээ бэртэж гэмтсэн байна.

Тиймээс Монгол Улсын ЗХАБТХ-ийн 13.2.7-д заасан /13.2.7. Эцэг эх, асран хамгаалагч, бүх шатны боловсролын байгууллагын холбогдох албан тушаалтан 10 хүртэлх насны хүүхдийг харгалзах хүнгүйгээр замын хөдөлгөөнд оролцуулахгүй байх/ заалтын дагуу асран хамгаалагч, тухайн сургуулийн багш, захирал, эцэг, эхийн эргүүлээр ажиллаж байсан хүмүүст хуульд заасны дагуу хариуцлага тооцуулахаар шалгалтын ажлыг эхэллээ.