"Хийморийн овоо"-г маргааш цэвэрлэнэ

Онцгой байдлын Ерөнхий газрын Аврах тусгай ангийн алба хаагчид маргааш "Хийморийн овоо"-ны ойр орчмын хогийг цэвэрлэнэ.

Монгол түмний уламжлалт баяр Цагаан сараар "Хийморийн овоо"-г зорьсон зон олон байгаль орчныг хадаг, шил, лаазаар бохирдуулаад орхисон байна. Тиймээс аврах тусгай ангийнхан нийгмийн хариуцлагаа ухамсарлаж, байгаль хамгаалах үйлсэд хувь нэмэр оруулахаар болжээ.