Хийн халаагуурт шилжсэн сургууль, цэцэрлэг орчмын агаар орчны бохирдол багасжээ

Нийслэлийн ерөнхий боловсролын 107 дугаар сургууль, Нийслэлийн тэргүүний Сонгинохайрхан дүүргийн 111 дүгээр цэцэрлэг хамт 2024 оны 09 дүгээр сард хийн халаагуурт шилжжээ.

Одоо халаалт жигд хэвийн, тасалдахгүй, сургууль, цэцэрлэг орчмын агаар орчны бохирдол багассан гэж ажилчид хэлж байгаа аж. Өмнө нь уурын зууханд их хүйтний үед өдөрт 3 тн, хүйтний эрч бага үед 2 тн нүүрс ашигладаг байсан байна.

Нэг сургууль хийн халаагуурт шилжих нь 40 яндан буусантай тэнцдэг гэдэг. Энэ хэмжээгээр сургууль, цэцэрлэг хийн халаагуурт шилжсэнээр агаар орчны бохирдол буурахад тодорхой хэмжээгээр нөлөөлжээ.