Хилээр өндөг, тахиа оруулж ирэхийг хориглосон хэвээр байна

Шувууны томуугийн цар тахал болох H7N9 вирус Хятад, Тайвань, Хонгконг улсад гараад байгаа. Иймд хоёрдугаар сарын 14-нөөс эхлэн хилээр зөвшөөрөлгүй өндөг, тахиа оруулж ирэхийг хориглосон. Хориг үргэлжилсээр байна.

ДЭМБ энэ сарын 8-ны өдрийн мэдээллээр шувууны томуугийн A(H7N9) вирусийн хүний өвчлөлийн лабораториор батлагдсан нийт 387 тохиолдол бүртгэгдэж, 121 (31.3%) хүн нас баржээ. Тухайн халдвар нь Хонгконг, Тайвань улс, БНХАУ-ын 13 мужид бүртгэгдсэн.

Ойрхи Дорнодод MERS-CoV-ийн халдвар энэ сарын 11-ний байдлаар 186 тохиолдол бүртгэгдэж, 81 хүн нас барсан байна. Шинээр хоёр тохиолдол нэмж бүртгэгджээ. Өвчилсөн хүмүүс 58-81 насныхан аж.