Хилийн хяналт үр дүнтэй боллоо

Мэргэжлийн хяналтын ерөнхий газраас 3500 гаруй барааг хилийн мэргэжлийн хяналтаас чөлөөлөхөөр болсон.

Өмнө нь хилийн мэргэжлийн хяналт бүх барааг хил дээр нэг бүрчлэн шалгаж, дээж авдаг байсан. Мөн хяналт шалгалт хийх аргачлал нь тодорхойгүй. Шаардлагагүй олон шат дамжлагатай байсан юм.

Харин одоо барааны эрсдлийг тодорхойлдог болсноор огт эрсдэлгүй гэж үзсэн бараа бүтээгдэхүүнийг хяналт шалгалтаас чөлөөлж байна.

Мөн эрсдэлтэй бараа бүтээгдэхүүнийг дотор нь ангилснаар хилийн хяналт үр дүнтэй болсон гэж Нийслэлийн мэргэжлийн хяналтын ерөнхий газрын, экспорт, импортын хяналтын хэлтсийн дарга г.Одонтунгалаг ярилаа.