Хог хаягдал боловсруулах үйлдвэрийн санхүүжилтийг шийднэ

Гадаадын буцалтгүй тусламжийн хүрээнд хог хаягдал боловсруулах үйлдвэрийн санхүүжилтийг шийднэ гэж БОНХАЖ-ын сайд Д.Оюунхорол мэдэгдлээ. Сүүлийн дөрвөн жилийн байдлаар зөвшөөрөлтэй хогийн цэгт хаяж байгаа хог хаягдлын хэмжээ жилд дунджаар 500 мянган тонноор нэмэгджээ. Түүнчлэн нийслэлд жил бүр 850 мянган тонн хог хаягдал үүсдэг аж. Харин энэ их хэмжээний хогийг зөвшөөрөлтэй хогийн цэгт буулгаж, аюултай хог хаягдлыг устгалд оруулдаг байна. Үлдэж байгаа хогийг дахин боловсруулах үйлдвэр манай улсад хэрэгтэй. Тиймээс гадаадын буцалтгүй тусламжийн хүрээнд хог хаягдал боловсруулах үйлдвэрийн санхүүжилтийг шийдэх боломжтой гэж БОНХАЖ-ын сайд Д.Оюунхорол хэлж байна.