Хойд Солонгос пуужин хөөргөв

Өмнөд Солонгосын Батлан хамгаалах яам Хойд Солонгос энэ сарын 29-ний үүрээр Солонгосын хойгийн зүүн хэсгийн тэнгист богино зайн хоёр пуужин хөөргөсөн тухай мэдээлжээ.

Богино зайн пуужинг 04:58 минутад Хойд Солонгос Кангвон мужийн Вонсаны орчмоос Солонгосын хойгийн зүүн тэнгисийн бүс рүү хөөргөсөн аж. Пуужинг 500 км зайд хөөргөсөн бөгөөд “Scud” хэмээх пуужин байж магадгүй хэмээн тооцоолж байна. Хойд Солонгос пуужин хөөргөнө гэдгээ урьдчилан мэдэгдээгүйгээр зогсохгүй ямар ч дохио өгөөгүй аж.