Хонгор суманд нөхөн сонгууль явагдаж байна

Дархан-Уул аймгийн ИТХ-ын төлөөлөгчийг сонгох Хонгор сумын нөхөн сонгууль өнөөдөр явагдаж байна. Тус сонгуульд Монгол ардын намаас нэр дэвшигч Н.Лхагвасүрэн, Ардчилсан намаас нэр дэвшигч Н.Мөнхдаш нар өрсөлдөж байгаа юм.

Хонгор сумаас аймгийн ИТХ-д өмнөх сонгуулиар сонгогдсон төлөөлөгч Ч.Чүлтэмбат нь аймгийн ЗДТГ-ын даргаар томилогдсон юм. Тиймээс Ч.Чүлтэмбат төрийн жинхэнэ албан хаагч болсноор “Аймаг, сум, дүүргийн ИТХ-ын сонгуулийн тухай хууль”-ийн холбогдох заалтыг үндэслэн аймгийн Хонгор сумын ИТХ-ын нөхөн сонгуулийг явуулахаар болсон байна.

Монгол улсын Сонгуулийн хуульд заасны дагуу тус сумын иргэд өнөөдөр амарч байгаа аж.