Хоолны хордлогоос урьдчилан сэргийлэх чиглэлд салбар дундын хамтын ажиллагааг эрчимжүүлнэ

Хоолны хордлогот халдварын дэгдэлтээс сэргийлэх сэдвээр өнөөдөр Эрүүл мэндийн яамны хурлын танхимд хэлэлцүүлэг уулзалт зохион байгууллаа. Уулзалтад МХЕГ, БСШУСЯ, ХХААХҮЯ, ХӨСҮТ, Нийслэлийн боловсролын газар, НЭМҮТ-ийн төлөөлөл оролцож, хоолны хордлогын дэгдэлтээс сэргийлэх чиглэлээр ярилцав. Хэлэлцүүлгийг Эрүүл мэндийн дэд сайд Л.Бямбасүрэн удирдан, салбаруудад хоолны хордлогоос урьдчилан сэргийлэх ажлыг зохион байгуулах тодорхой чиглэл, даалгавар өглөө.