Хорих ял эдлүүлэх хуулийн зохицуулалтыг шинэчилнэ

Манай улсын эрүүгийн хариуцлагын тогтолцоонд хорих ял дийлэнх хувийг эзэлдэг. 2012 оны нэгдсэн мэдээгээр шүүхийн шүүн таслах ажиллагааны ялын дотор 77.6 хувийг хорих ял эзэлжээ. Түүнчлэн хорих ял шийтгүүлж суллагдсан хүмүүсийн бараг тал хувь нь дахин гэмт хэрэг үйлддэг талаарх судалгааг гаргасан байна.

Хорих ял эдлээд гарч ирж байгаа хүмүүс нийгэмшиж, гэмт хэргийн орчноосоо холдож чадахгүй байгаа тул энэ байдлыг өөрчлөх хэрэгтэй гэдгийг Хууль зүйн сайд Х.Тэмүүжин хэлж байна. Түүний хэлснээр хорих ял эдлүүлэх үйл ажиллагаатай холбоотойгоор ирэх намрын чуулганаар Шүүхийн шийдвэр гүйцэтгэх хуулийг өөрчлөхөөр болжээ.

Энэ талаарх мэдээллийн дэлгэрэнгүйг “Хурд” агентлагийн бэлтгэснээр хүргэе.