Хорооны тодорхойлолтыг иргэд үнэгүй авна

Авлигатай тэмцэх газраас төрийн болон нутгийн захиргааны байгууллагуудын анхан шатны нэгжүүдэд ажиллах явцад илэрсэн хууль бус төлбөр хураамж, хуулиар зөвшөөрөгдөөгүй хандив авах явдлыг таслан зогсоох арга хэмжээг шат дараалалтай авч хэрэгжүүлж байна.

Тухайлбал, Баянзүрх дүүрэгт авлига, ашиг сонирхлын зөрчлөөс урьдчилан сэргийлэх үйл ажиллагааг эрчимжүүлэх ажлын хүрээнд тус дүүргийн 27 хороонд иргэдэд оршин суугаа хорооны тодорхойлолтыг 100 төгрөгөөр олгож байгааг тогтоож, таслан зогсоох шаардлагаа тавьжээ. Үүний үр дүнд Засаг даргын Тамгын газраас 2013 оны 10 дугаар сарын 08-ны өдрөөс эхлэн хороодын Засаг дарга нарт тодорхойлолтыг төлбөргүй болгох шийдвэрээ хүргүүлсэн байна.