Хорооны тодорхойлолтыг төлбөргүй болголоо

АТГ төрийн байгууллагуудад авлига, ашиг сонирхлын зөрчлөөс ангид байх тогтолцоог бий болгоход чиглэсэн арга хэмжээний хүрээнд холбогдох хууль тогтоомжийн хэрэгжилтийн байдалтай газар дээр нь танилцаж, хэрэгжилтийг нь үнэлж, дүгнэн зохих саналаа хүргүүлэн ажиллаж байна. Тус ажлын хүрээнд СБД-ийн хороод иргэдэд оршин суугаа хорооны тодорхойлолтыг олгохдоо 50, 100 төгрөгний хураамж авдгийг болиулжээ. Дүүргийн засаг даргад хуулиар болон Засгийн газраас тогтоосноос бусад төлбөр хураамж авахгүй байх “Зөвлөмж” хүргүүлснээр хорооны тодорхойлолтыг үнэ төлбөргүй гаргаж байхыг хороодын Засаг дарга нарт үүрэг болгожээ.