Хот хоорондын нийтийн тээврээр зорчих нь эрсдэл багатай

Хот хоорондын нийтийн тээврийг сонгож үйлчлүүлэх нь иргэдэд эрсдэл багатай гэж Авто тээврийн үндэсний төв анхаарууллаа. Тухайлбал, Дархан-Улаанбаатарын чиглэлд хувиараа жижиг автомашинаар тээвэр хийдэг иргэд цөөнгүй байдаг. Энэ нь хууль бус тээвэр гэдгийг Авто тээврийн үндэсний төвөөс мэдэгдлээ. Харин хуулийн дагуу тээвэр хийж байгаа, хот хооронд тээвэр хийх эрхтэй аж ахуйн нэгжүүдээр иргэд үйлчлүүлэх шаардлагатай. Түүнчлэн Авто тээврийн үндэсний төвийн зохицуулалтаар явдаг учраас эрсдэл багатай гэж Авто тээврийн үндэсний төвийн дэд захирал Н.Зориг ярьж байна.