Хот хоорондын нийтийн тээврийг 18:00 цаг хүртэл зогсоожээ

Авто тээврийн үндэсний төвийн мэдээлснээр Баян-Өлгий, Баянхонгор, Говь-Алтай, Увс, Хөвсгөл аймагт тэнгэр бүрхэг, хүчтэй шороон шуурга шуурч байгаа. Мөн Өвөрхангай, Булган, Дархан-Уул, Сэлэнгэ, Өмнөговь, Дундговь аймагт бага зэргийн шороон шуургатай байгаа бол Завхан аймагт бороо орж байна. Цаг агаарын байдал өнөөдөртөө хөдөө, орон нутгуудаар муудах төлөвтэй байгаа учраас оройны 18.00 цаг хүртэл хот хоорондын нийтийн тээврийн үйлчилгээг түр зогсоожээ.