Хот хоорондын зорчих хөдөлгөөнийг 03 дугаар сарын 16-нд нээнэ
Улс, хот хоорондын зорчигч тээврийн үйл ажиллагаа маргааш буюу Даваа гарагийн өглөөний 07:00 цагаас хэвийн горимоор үргэлжилнэ
Мэдээллийн алба
Монгол Улсад коронавируст халдварын анхны тохиолдол Франц Улсаас зөөвөрлөгдөн орж ирсэнтэй холбогдуулан халдварын тархалтаас урьдчилан сэргийлэх зорилгоор нийслэл, аймаг, сумаас гарах хот хоорондын зорчигч тээвэр болон хувийн тээврийн хэрэгсэл орон нутгийн хуваарьт нислэг, суудлын галт тэрэгний хөдөлгөөнийг 2020 оны 03 дугаар сарын 10-ны 07:00 цагаас 03 дугаар сарын 16-ны 07:00 цаг хүртэл түр зогсоосон.
Үүнтэй холбогдуулан өнөөдөр Улсын онцгой комиссын Шуурхай штабаас мэдээлэл хийж, хот хоорондын зорчигч тээвэр, суудлын галт тэрэг болон орон нутгийн хуваарьт нислэг, тээврийн хэрэгслийн зорчих хөдөлгөөнийг 2020 оны 03 дугаар сарын 16-ны өдрийн 07.00 цагаас нээхээр боллоо гэж Улсын онцгой комиссын шуурхай штабаас мэдээллээ.
