Хотын цагдаагийн дарга өөртөө 300 ам.долларын торгууль бичжээ

АНУ-ын Оклахома мужийн Сперри хотын Цагдаагийн газрын дарга Жастин Берч өөрөө өөртөө торгуулийн хуудас бичсэн байна. Энэ тухай тэрээр өөрийн Фэйсбүүк цахим хуудсаараа дамжуулан олон нийтэд мэдээлжээ.

Учир нь тэрээр 75-80 миль буюу 120-130 км цагийн хурдтай явж байсан юм байна. Ингэснээр Жастин Берч хурд хэтрүүлснийхээ төлөө 300 гаруй америк долларын торгуулийн хуудсыг өөртөө гаргаж авсан юм байна.