Ховд аймагт аялал жуулчлалыг хөгжүүлнэ

Ховд аймгийн хөгжлийн гол түлхэц нь хөдөө аж ахуй, аялал жуулчлал гэдгийг аймгийн удирдлагууд хэлж байна. Ховд аймаг 17 сум, 91 багтай, 20 мянга гаруй өрхтэй, олон ястны өлгий нутаг. Аймгийн хэмжээнд долоон мянга гаруй өрх айл мал маллан, үйлдвэрлэл эрхэлдэг байна.

Өмнөх оны мал тооллогын дүнгээр хамгийн олон мал тоолуулсан сумаар Манхан, Чандмань, Мянгад сум тодорчээ. Цаашид малынхаа чанар, үүлдэр угсааг нь сайжруулахад илүү анхаарч, ХАА, нутаг орныхоо байгалийн үзэсгэлэнг түшиглэсэн аялал жуулчлал хөгжүүлэхийг зорьж байгаагаа Ховд аймгийн Засаг дарга Д.Цэвээнравдан хэлж байна.