Ховд аймагт яруу найрагчид ажиллав

Ховд аймагт “Ном хөтөлбөр”-ийн хүрээнд хүүхдүүдийг номонд дуртай болгох зорилгоор Монгол Улсын шилдэг зохиолч, яруу найрагчдыг аймагтаа урьж, сургуулиудад яриа танилцуулга хийх арга хэмжээг үе шаттай зохион байгууллаа.

Энэ удаад СГЗ, зохиолч, яруу найрагч, МЗЭ-ийн удирдах зөвлөлийн гишүүн Б.Хүрэлбаатар, Д.Нацагдоржийн шагналт, "Цог" сэтгүүлийн эрхлэгч, МЗЭ-ийн удирдах зөвлөлийн гишүүн А.Эрдэнэ-Очир, "Болор цом"-ын дэд байр, яруу найрагч М.Билэгсайхан, МЗЭ-ийн удирдах зөвлөлийн гишүүн, МЗЭ-ийн шагналт зохиолч, Хүүрнэл зохиолын үндэсний төвийн захирал Б.Золбаяр нарыг урьж ирүүлэн 17 сумын Ерөнхий боловсролын 24 сургуулийн сурагчтай уулзалт, ярилцлага хийлгэлээ.