Ховд аймагт зөөврийн хайрцагаар санал авах ажил 70 гаруй хувьтай байна

Алс баруун хязгаар Ховд аймагт нийт 1414 сонгогч зөөврийн битүүмжилсэн хайрцагаар санал өгнө. Үүнээс одоогийн байдлаар 70 гаруй хувь нь саналаа өгөөд байна. Санал авах ажил хэвийн үргэлжилж байгааг Ховд аймгийн сонгуулийн хорооны дарга н.Бөхболд мэдээллээ.

Зөөврийн битүүмжилсэн хайрцагаар эрүүл мэндийн байдлын улмаас санал авах байранд өөрийн биеэр хүрэлцэн ирж чадахгүй, нийтийн дайчилгаанд хамран ажиллаж байгаа, мөн байцаан шийтгэх албадлагын арга хэмжээний улмаас баривчлагдсан, цагдан хоригдсон зэрэг шалтгаантай иргэдийн саналыг авдаг юм.