Ховдчууд баяр наадмаа өргөн дэлгэр тэмдэглэж байна

Монгол Улсын Тусгаар тогтнол, газар шорооны төлөө тууштай тэмцэгч, Ойрад Монголын шашин төрийн нэрт зүтгэлтэн Галдан Бошигт хааны мэндэлсний 370 жилийн ойг “Баруун бүсийн хурд” даншиг наадамтай хамт тэмдэглэж байна.

Ойд зориулан “Галдан Бошигт хаан” дуулалт жүжиг, баримтат кино хийж, Хааны нэрэмжит ёслол хүндэтгэлийн өргөө байгуулсны зэрэгцээ түүний нэрэмжит гудамжтай болсон гээд бүтээн байгуулалтын олон ажил хийсэн тухай Ховд аймгийн Засаг дарга Д.Цэвээнравдан ярилаа.