Хоёр ажлын хэсэг хуралдана

Өнөөдөр хуулийн төслийг байнгын хорооны хэлэлцүүлэгт бэлтгэх үүрэг бүхий хоёр ажлын хэсэг хуралдана.

Тодруулбал, Эрүүл мэндийн албан журмын даатгалын тухай хуулийн төслийг хэлэлцүүлэгт бэлтгэх үүрэг бүхий Нийгмийн бодлого, боловсрол, соёл, шинжлэх ухааны байнгын хорооны ажлын дэд хэсгийн хуралдаан 09:00 цагаас 334 тоот өрөөнд болно.

Харин Хууль сахиулагчийн эрх зүйн байдлын тухай болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын хэсгийн хуралдаан үдээс хойш 14:00 цагаас “ В” танхимд болох юм.