Хоёр их аваргыг хүчээр зодог тайлуулж ч магадгүй гэжээ

Японы сүмогийн холбооны ёкозүнагийн зөвлөл хуралдаж, ёкозүна Хакүхо М.Даваажаргал, Какүрюү М.Ананд нарт хатуу сануулга өгчээ.

Учир нь тэднийг сүүлийн башёднуудыг дараалан өнжиж, эсвэл дундаас нь орхиж байгааг буруутган, дахин ийм явдал гаргахгүй байхыг анхааруулсан байна.

Мэргэжлийн сүмогийн түүхэн өмнө нь ёкозүна нарт ийм сануулга өгч байгаагүй бөгөөд энэхүү сануулга нь хүчээр зодог тайлуулах шийтгэлийг ч өгч болзошгүй аж.

Хоёр ёкозүнагийн хувьд хамгийн сүүлд өнгөрөгч гуравдугаар сарын башёд л бүрэн барилдсан юм.