Хоёр үхэр аянгад ниргүүлжээ

Баянхонгор аймгийн Заг сумын Баян-Улаан багийн “Навтан” гэдэг газар сумын төвөөс баруун зүгт 24 км-т өчигдөр 21:40 цагт аянга буусан байна. Малчин Г-гийн хоёр үхэр аянгад ниргүүлж хорогджээ.

Энэ тухай мэдээллийг тус сумын харьяат иргэн А аймгийн Онцгой байдлын газарт мэдэгдсэн байна. Ойрын өдрүүдэд дуу цахилгаантай бороо үргэлжлэн орж байгаа тул болзошгүй аюулаас сэрэмжтэй байхыг анхааруулж байна.