Хүчирхийлэгч этгээд амиа хорложээ

Гурван эмэгтэйг 10 гаруй жил гэрийн хорионд байлгаж, хүчирхийлж байсан хэргээр насаараа буюу 1000 жил шоронд хорих ялаар шийтгүүлээд байсан Ариэл Кастро урьд шөнө хоригдож байсан шоронгийн өрөөндөө амиа хорложээ.

Охой мужийн Орионт хотын шоронд хоригдоод байсан түүнийг урьд шөнийн 21 цагийн орчимд өөрийгөө боомилсон байдалтай байхад нь олсон байна. Шоронгийн албан хаагчид яаралтай арга хэмжээ авч, түүнийг эмнэлэгт хүргэсэн ч нэгэнт оройтсон байсан бөгөөд тэрээр шөнийн 22:52 минутад нас баржээ.