Хүчирхийллийн эсрэг хууль хэрэгжихгүй байна

Хүүхэд гэр бүлийн хүчирхийллийн эсрэг хууль тогтоомжийн хэрэгжилт хангалтгүй байгааг мэргэжилтнүүд хэлж байна.

Хүүхэд ямар нэгэн байдлаар хүчирхийлэлд өртөж байгааг багш сурган хүмүүжүүлэгчид мэдсэн тохиолдолд холбогдох төрийн байгууллагуудад мэдээлэх үүрэгтэй гэж Хүүхдийн эрхийг хамгаалах тухай хуульд заасан байдаг.

Харамсалтай нь энэ үүргээ төрийн албан хаагчид биелүүлэхгүй байна. Үүний улмаас хүүхдүүд бие мах болон сэтгэл санаагаараа хохирч байгааг Хүүхэд гэр бүл хөгжлийн төвийн мэргэжилтэн Н.Хөхөө хэллээ.