Хүчтэй бороо үргэжлэн орж байна

Өвөр Монголын өөртөө засах орны нутгаар сүүлийн хэдэн өдрийн туршид хүчтэй аадар бороо орсоор байна. Олон хоног үргэлжлэн орж буй борооны улмаас Өвөрмонголд үер усны гамшиг нүүрлэж, хөрсний нуралт үүсэх аюул нүүрлээд байгаа бөгөөд өнгөрсөн амралтын өдрүүдэд Генхе хотод 117 мм хур тунадас оржээ.

Одоогийн байдлаар Генхе хот бүхэлдээ усанд автаж, хаа сайгүй үерийн гамшиг нүүрлэсэн байдалтай байна. Тус хотын 9,600 гаруй иргэнийг аюулгүй газарт нүүлгэн шилжүүлжээ.