Хөдөлмөрийн баатар Э.Содномпилжээ ДАШТ-д өрсөлдөхөөр Гүржид очжээ

Гүржийн нийслэл Тбилиси хотноо пауэрлифтингийн ДАШТ болж байгаа бөгөөд үүнд Монгол Улсын хөдөлмөрийн баатар, гавьяат тамирчин Э.Содномпилжээ -107 кг жинд оролцохоор очжээ.

Тэмцээн энэ сарын 27-ноос ирэх арванхоёрдугаар сарын 6 хүртэл үргэлжлэх юм.

Энэ удаа залуучууд болон насанд хүрэгчдийн ангилалд явагдаж байгаа агаад манай улсын тамирчны тэмцээн арванхоёрдугаар сарын 5-нд болох аж.

Тус тэмцээн “Парис-2024" паралимпын наадмын эрх олгох эхний тэмцээн тул өрсөлдөөн маш ширүүн байх нь ээ.