Хөдөлмөрийн баатар Х.Цагаанбаатар спортын замналаа шингээсэн ном бүтээжээ
Номын нээлтэд УИХ-ын гишүүн асан Н.Цэрэнбат, үндэсний бөхийн улсын аварга С.Мөнхбат, олимп, ДАШТ-ий хүрэл медальт Г.Отгонцэцэг, дэлхийн аварга П.Орхон тэргүүтэй алдартан хүрэлцэн ирж, хүндэтгэл үзүүлэв.
Мэдээллийн алба
"Aфин-2004" олимпын хүрэл, "Роттердам-2009" ДАШТ-ий алт, "Токио-2010" ДАШТ-ий хүрэл, "Доха-2006" Азийн наадмын алтан медальт Монгол Улсын хөдөлмөрийн баатар, гавьяат тамирчин Хашбаатарын Цагаанбаатар спортын замналаа цогцлуулсан "Хөлс хөдөлмөрийн үнэ цэнэ" номоо гаргажээ.
Номын нээлтэд УИХ-ын гишүүн асан Н.Цэрэнбат, үндэсний бөхийн улсын аварга С.Мөнхбат, олимп, ДАШТ-ий хүрэл медальт Г.Отгонцэцэг, дэлхийн аварга П.Орхон тэргүүтэй алдартан хүрэлцэн ирж, хүндэтгэл үзүүлэв.
“Хөлс, хөдөлмөрийн үнэ цэнэ” номыг "Таван цагариг" сонины сэтгүүлч, МҮОХ-ны пресс атташе, "Лондон~2012" олимпын сурвалжлагч Галсандоржийн Баярсайхан бичсэн бол зөвлөхөөр спортын сэтгүүлч, тайлбарлагч С.Шижирбат, редактороор Б.Батсайхан, дизайнераар Э.Билгүүн-Оргил ажилласан байна.
Цаашдаа тус номыг жүдо бөх өндөр хөгжсөн зарим орны хэлээр орчуулан, хэвлүүлэх бөгөөд эхний ээлжинд 2022 оны эхээр Япон хэлээр хэвлүүлэхээр төлөвлөжээ.
