Хөдөлмөрийн хуулийн шинэчилсэн төсөлд цалин хөлстэй холбоотой зохицуулалтууд багтжээ

Хөдөлмөрийн хуулийн шинэчилсэн найруулгын төсөлд цалин хөлстэй холбоотой хэд хэдэн зохицуулалтыг нэмж оруулсан гэж Хөдөлмөрийн сайд С.Чинзориг тайлбарлаж байна.

Тухайлбал, адил хөдөлмөр эрхлэж байгаа ажилтанд ижил хэмжээний цалин хөлс олгодог байх, ур чадвараас хамаарсан цалингийн шатлалаар цалинжих, мөн оюутан залуусын цагийн ажлын хөлс тухайн салбарын байнгын ажилтны нэг цагийн хөлстэй ижил байх гэх мэт өмнө нь байгаагүй заалтууд бий гэж тэрээр хэлсэн юм.