Хөдөлмөрийн хуулийн төслийн зарим заалттай үйлдвэрчний эвлэл санал нэгдэхгүй байна

Ажилтны амралтын үндсэн хоногийг 20 болгох, илүү цагийн хөлсийг шинэ аргаар бодох, аж ахуйн нэгж байгууллагууд нийт ажилтныхаа 30 орчим хувийг гэрээгээр авч ажиллуулах гэх мэт заалтуудыг үйлдвэрчний эвлэл эсэргүүцэж байгаа юм.

Хуулийн төслийг боловсруулахад Монголын үйлдвэрчний эвлэлийн холбоо, Ажил олгогч эздийн холбоо болон бусад байгууллагуудаас ажлын хэсэг гарч хамтран ажилласан ч, хуулийн зарим заалтуудад санал эцэслэн тохироогүй байхад УИХ-д өргөн барьсан гэж Монголын үйлдвэрчний эвлэлийн холбооны дэд ерөнхийлөгч С. Эрдэнэбат ярьж байна.