Хугацааны дунд үеэр цас орж, шуурч хүйтэрнэ
Хоёрдугаар сарын 14-нд зарим газраар, 15-нд нутгийн зүүн хэсгээр, 16-нд нутгийн баруун өмнөд хэсгээр, 18-нд нутгийн хойд хэсгээр цас орж явган шуурна. Салхи 14-15,18-нд зарим газраар 15-17м/с хүрч ширүүснэ.
Мэдээллийн алба
2017 оны хоёрдугаар сарын 13-наас хоёрдугаар сарын 20-ныг хүртэлх
цаг агаарын урьдчилсан мэдээ
Баруун аймгуудын нутгаар
Хоёрдугаар сарын 14-нд зарим газраар, 15-нд нутгийн зүүн хэсгээр, 16-нд нутгийн баруун өмнөд хэсгээр, 18-нд нутгийн хойд хэсгээр цас орж явган шуурна. Салхи 14-15,18-нд зарим газраар 15-17м/с хүрч ширүүснэ. 15-16-нд хүйтэрч Увс нуур, Идэр, Тэс, Хүрэн бэлчирийн хөндийгөөр шөнөдөө 32-37 хэм, өдөртөө 19-24 хэм, Монгол Алтайн өврөөр шөнөдөө 23-28 хэм өдөртөө 10-15 хэм, Алтайн өвөр говиор шөнөдөө 9-14 хэм хүйтэн өдөртөө 4 хэм хүйтнээс 1 хэм дулаан, бусад нутгаар шөнөдөө 20-25 хэм өдөртөө 7-12 хэм хүйтэн байна. Бусад хугацаанд хүйтний эрч суларч Увс нуур, Идэр, Тэс, Хүрэн бэлчирийн хөндийгөөр шөнөдөө 23-28 хэм, өдөртөө 11-16 хэм, Монгол Алтайн өврөөр шөнөдөө 15-20 хэм өдөртөө 4-9 хэм, Алтайн өвөр говиор шөнөдөө 5-10 хэм хүйтэн өдөртөө 3-8 хэм дулаан, бусад нутгаар шөнөдөө 12-17 хэм хүйтэн өдөртөө 2 хэм хүйтнээс 3 хэм дулаан байна.
Төвийн аймгуудын нутгаар
Хоёрдугаар сарын 14-нд нутгийн баруун хэсгээр, 15-нд зарим газраар цас,19-нд нутгийн хойд хэсгээр бага зэргийн цас орно. Салхи 14-15-нд нутгийн өмнөд хэсгээр 12-14м/с хүрч ширүүснэ. 15-17-нд хүйтэрч Дархадын хотгор, Ерөө голын хөндийгөөр шөнөдөө 31-36 хэм өдөртөө 18-23 хэм, Орхон-Сэлэнгэ, Хараа, Туул, Тэрэлж голын хөндийгөөр шөнөдөө 28-33 хэм өдөртөө 14-19 хэм хүйтэн, бусад нутгаар шөнөдөө 21-26 хэм өдөртөө 5-10 хэм хүйтэн байна. Бусад хугацаанд хүйтний эрч суларч Дархадын хотгор, Ерөө голын хөндийгөөр шөнөдөө 24-29 хэм өдөртөө 11-16 хэм, Орхон-Сэлэнгэ, Хараа, Туул, Тэрэлж голын хөндийгөөр шөнөдөө 20-25 хэм өдөртөө 9-14 хэм хүйтэн, бусад нутгаар шөнөдөө 15-20 хэм хүйтэн өдөртөө 4 хэм хүйтнээс 1 хэм дулаан байна
Зүүн аймгуудын нутгаар
Хоёрдугаар сарын 15-нд ихэнх нутгаар, 16-нд нутгийн зүүн хэсгээр, 19-нд нутгийн хойд хэсгээр цас орж, явган шуурга шуурна. Салхи 15,19-нд зарим газраар 14-16м/с, 17-18нд 7-12м/с хүрч ширүүснэ. 13-14-нд хүйтний эрч суларч Хэрлэн, Онон, Улз, Халх голын хөндийгөөр шөнөдөө 21-26 хэм өдөртөө 8-13 хэм, бусад нутгаар шөнөдөө 14-19 хэм өдөртөө 3-8 хэм хүйтэн байна. 15-наас хүйтэрч Хэрлэн, Онон, Улз, Халх голын хөндийгөөр шөнөдөө 27-32 хэм өдөртөө 15-20 хэм, бусад нутгаар шөнөдөө 20-25 хэм өдөртөө 9-14 хэм хүйтэн байна.
Говийн аймгуудын нутгаар
Хоёрдугаар сарын 16-нд нутгийн баруун хэсгээр, 17-нд нутгийн зүүн хэсгээр бага зэргийн цас орно. Салхи 15-нд зарим газраар 15-17м/с хүрч ширүүснэ. 16-17-нд хүйтэрнэ. Бусад хугацаанд Өмнөговийн нутгаар шөнөдөө 10-15 хэм хүйтэн өдөртөө 3-8 хэм дулаан, бусад нутгаар шөнөдөө 16-21 хэм өдөртөө 0-5 хэм хүйтэн байна.
