Хөгжлийн бэрхшээлтэй зарим иргэд асаргааны мөнгөө авч чадахгүй байна

Хөвсгөл аймгийн Хатгал сумын хөгжлийн бэрхшээлтэй зарим иргэн асаргааны мөнгөө авч чадахгүй байна. Засгийн газрын тогтоолоор хөгжлийн бэрхшээлтэй, бусдын асаргаанд байдаг хүнд улирал тутамд 60 мянган төгрөг өгөхөөр заасан байдаг. Гэтэл Хөвсгөл аймгийн Хатгал сумын зарим иргэний асаргааны мөнгийг хассан, мөн төсвийг 8 сая төгрөгөөр бууруулсан гэж Хатгал сумын ахмад настан, хөгжлийн бэрхшээлтэй иргэдийн салбар зөвлөлийн тэргүүн н.Хүрэлбаатар ярилаа.