Хөгжмийн зохиолч Х.Алтангэрэлийн “Үндэсний хөгжмийн зэмсэгт зориулсан бүтээлүүд” нэртэй хоёр боть ном хэвлэгджээ
Түүний энэхүү 25 зохиолоос бүрдсэн бүтээлийг хоёр боть ном бүтээл болгон гаргахад Монгол Улсын консерваторийн захиргаа, Үндэсний хөгжмийн мэргэжлийн сургуулийн зүгээс сэтгэлийн болоод санхүүгийн дэмжлэг үзүүлсэн байна.
Мэдээллийн алба
“Үндэсний хөгжмийн зэмсэгт зориулсан бүтээлүүд” хэмээх нэртэй хоёр боть (Клавир) ном хэвлэгджээ. Үүнийг хөгжмийн том хэлбэрийн бүтээл гран при шагналт, оны шилдэг дуу шалгаруулах “Морин хуур-2015” наадмын тэргүүн байрын шагналт, Монгол Улсын консерваторийн сургуулийн Хөгжмийн ухаан дуулаачийн сургуулийн захирал Х.Алтангэрэл төрөлх сургуулийнхаа 85 жилийн ойг угтан эмхтгэн гаргажээ.
Түүний энэхүү 25 зохиолоос бүрдсэн бүтээлийг хоёр боть ном бүтээл болгон гаргахад Монгол Улсын консерваторийн захиргаа, Үндэсний хөгжмийн мэргэжлийн сургуулийн зүгээс сэтгэлийн болоод санхүүгийн дэмжлэг үзүүлсэн байна.
Харин Х.Алтангэрэлийн хувьд “Өнөөдөр үндэсний хөгжмийн зэмсэгт зориулж бичсэн 25 зохиолоос бүрдсэн хоёр боть номоо хэвлэлтээс аваад ихэд баяртай байна. Уран бүтээлч хүний нэгэн жаргал бол уран бүтээлээ өлгийдөн авах, уран бүтээлийн номоо гаргах билээ” гэсэн юм.
