Хөгцөрч өмхийрсөн хүнсний бүтээгдэхүүн хадгалж байсан зөрчил илрүүллээ

Иргэнээс ирсэн гомдол мэдээллийн дагуу Чингэлтэй дүүргийн 6 дугаар хороонд байрлах “Смарт БХД” ХХК-ийн “Смарт” супермаркетаар үйлчлүүлэхэд өмхий үнэртээд байна гэсэн иргэний гаргасан гомдлын дагуу тус супермаркетын үйл ажиллагаанд хяналт шалгалт хийлээ.

Шалгалтаар хадгалалтын хугацаа дууссан хүнсний бүтээгдэхүүнийг /гурилан бүтээгдэхүүн, хиам, даршилсан ногоо/ дотоод журмын дагуу устгаагүйгээс агуулахад хөгцөрч, өмхийрсөн байсан зөрчлийг илрүүлж, зөрчил шалган шийдвэрлэх ажиллагаа явуулж Зөрчлийн тухай хуулийн холбогдох заалтын дагуу шийтгэлийн арга хэмжээ авч, зөрчлийг арилгуулан ажиллалаа.

Эх сурвалж: НМХГ