Хүй долоон худагт 39 албан хаагч уралдаанч хүүхдийн аюулгүй байдалд хяналт тавин ажиллаж байна

Хүй долоон худагт ХГБХХЕГ, Чингэлтэй дүүргийн ХГБХХХ-ийн нийт 39 албан хаагч уралдаанч болон наадамчин хүүхдийн аюулгүй байдалд хяналт тавин ажиллаж байна.

Азарганы уралдаанд 128 хүүхэд уралдаж, 1 хүүхэд өөрөө мориноосоо буусан. Эмнэлгийн анхан шатны үзлэгээр бэртэл гэмтэл аваагүй байна.

Их насны морь унаж уралдахаар 266 хүүхэд бүртгэлд орсон. Уяачдыг уралдаанч хүүхдүүддээ дулаан хувцас, борооны цуваар хангах талааар зөвлөмжийг хүргэсэн. Мөн баяр наадмын орчим дахь тоглоомын талбайг борооноос хамгаалж, хүүхдүүдийг осол гэмтлээс хамгаалах талаар зөвлөмж өгч ажиллаж байна.

Цагдаагийн газартай хамтран нийт төөрсөн 5 хүүхдэд тусламж үзүүлж, ар гэрт нь эргэн нэгтгэлээ. Мөн 159 хүүхдэд хамгаалах бугуйвч зүүх ажлыг зохион байгуулжээ.