Хүй долоон худагт 540 алба хаагч үүрэг гүйцэтгэн ажиллаж байна

Монголын морин спорт уяачдын холбооны 30 жил, "Их хурд-10" шигшмэл хурдан морьдын уралдаан, Монголын уяачдын өдөрт зориулсан баяр наадам өнөөдөр /2025.08.08/ эхэллээ.

Уг баяр наадмын үеэр цагдаа, дотоодын цэргийн байгууллагын алба хаагчид "Хүй долоон худаг"-т гэмт хэрэг, зөрчлөөс урьдчилан сэргийлэх, нийтийн хэв журам хамгаалах, олон нийтийн болон замын хөдөлгөөний аюулгүй байдлыг хангах чиглэлээр 14 анги байгууллагын 540 алба хаагч үүрэг гүйцэтгэн ажиллаж байна.

Наадамчин олон Та бүхэн болзошгүй эрсдэлээс урьдчилан сэргийлж, аюулгүй байдлаа ханган, бага насны хүүхдэдээ тавих хараа хяналтаа сулруулахгүй, замын хөдөлгөөнд оролцохдоо дүрмээ мөрдөхийг уриалж байна.