Хөхний хорт хавдрын эсрэг эм бүтээжээ

Австралийн эрдэмтэд удаан хугацааны судалгааны дараа хөхний хорт хавдрыг эмчлэх болон урьдчилан сэргийлэх "Анастрозол" нэртэй эм бүтээж чаджээ. Уг эм нь зөвхөн хавдраас урьдчилан сэргийлээд зогсохгүй, эмийн гаж нөлөөг ч бууруулах үйлдэлтэй юм. Судалгааны багийн эрдэмтэд Австрали улсад цэвэршилтийн дараах хөхний хорт хавдар туссан эмэгтэйчүүд олон байдгийг анхаарч үзэн судалгаагаа эхлүүлсэн бөгөөд уг эмийг гаргаж авсан нь зөвхөн өнөөдөр хорт хавдар туссан хүмүүс төдийгүй ирээдүйд энэ өвчнөөр шаналах эмэгтэйчүүдийг аварч буйгаараа тустай юм гэж мэдэгджээ.