Хөлбөмбөгийн тайлбарлагчийн сургалт болно

Монголын хөлбөмбөгийн холбооны санаачлагаар Азийн хөлбөмбөгийн холбоотой хамтран хөлбөмбөгийн тайлбарлагчийн сургалтыг явуулах гэж байна.

Сургалт онлайн хэлбэрээр явагдах бөгөөд сургалтыг “Fox Sports”, “BeIN Sports”, “Eurosports”-ын тайлбарлагч Дез Корхилл удирдан явуулах гэнэ.

Мөн тус сургалтаар МХБХ-ны шүүгчийн хэлтсийн зүгээс дүрмийн шинэ өөрчлөлтүүдийн талаар танилцуулах юм байна.

Суралцагч нарт тавигдах шаардлагын хувьд хөлбөмбөгийн болон англи хэлний анхан шатны мэдлэгтэй, сургалтын хугацаанд таслахгүй, хоцрохгүй байх гэнэ.