“Хөнгөвчлөх тусламж үйлчилгээний тасаг”-тай болжээ
Тус төвийн дотрын тасгийн хоёр өрөөг хөнгөвчлөх эмчилгээний зориулалтаар тохижуулж өнгөрсөн долоо хоногт нээлтээ хийжээ.
Мэдээллийн алба
Орхон аймгийн Бүсийн оношилгоо, эмчилгээний төв хөнгөвчлөх эмчилгээний тасагтай болжээ.Тус төвийн дотрын тасгийн хоёр өрөөг хөнгөвчлөх эмчилгээний зориулалтаар тохижуулж өнгөрсөн долоо хоногт нээлтээ хийжээ. Үүнд нь "Итгэл - Хавдаргүй Монгол” Үндэсний сан 20 гаруй сая төгрөгийн тоног төхөөрөмжийн тусламж үзүүлсэн байна.
Хөнгөвчлөх тасаг нээгдсэнээр, хүнд өвчиндөө шаналж байгаа өвчтөнд, амьдралын чанарыг дээшлүүлэх, идэвхитэй удаан хугацаагаар өвдөлтгүй амьдрахад туслах ач холбогдолтой аж. Одоогоор “Бүсийн оношилгоо, эмчилгээний төвд өдрийн цагаар хөнгөвчлөх эмчилгээ хийж байна. Удахгүй барилгын өргөтгөл ашиглалтанд орохоор хэвтэн эмчлүүлэгчдээ хүлээн авна” гэж хөнгөвчлөх тасгийн эмч н.Мөнгөнчимэг хэлжээ.
