"Хүний эрх ба тогтвортой хөгжил” хуралд оролцжээ

“Хүний эрх ба тогтвортой хөгжил” сэдэвт бага хурал Исламын Бүгд Найрамдах Афганистан Улсын Кабул хотод энэ сарын 26-27-ны өдрүүдэд боллоо.

Тус бага хуралд Монгол Улсын Хүний эрхийн үндэсний комиссын гишүүн П.Оюунчимэг “Тогтвортой хөгжлийн зорилтууд ба Монгол Улсаас авч хэрэгжүүлж буй алхмууд”, “Хууль эрх зүйн орчин болон Тогтвортой хөгжлийн зорилтуудыг хэрэгжүүлэхэд Хүний эрхийн Үндэсний байгууллагын оролцоо” сэдвээр илтгэл тавьж оролцлоо.