Хүний эрх зөрчигдөж байна гэв

Бүтээн байгуулалт өрнөхийн хэрээр хүний эрх зөрчигдөж байна гэж Эмнести Интернэшнл байгууллагаас мэдэгдлээ. Тодруулбал, газар чөлөөлөхөд иргэнээ хамгаалсан хуулийн зохицуулалт гаргаагүй байж уул уурхай, орон сууцжуулалт нэрээр иргэдийн өмчийг хямд үнээр, хүчээр шахам авч байна гэж тус байгууллагын гүйцэтгэх захирал Б.Алтантуяа тайлбарлалаа. Түүнчлэн манай улсад хууль хяналтын байгууллага нь иргэдийнхээ эрхэнд халдах тохиолдол бүрэн арилахгүй байна гэж тэрбээр хэлж байна.