Хүнсний бүтээгдэхүүнд химийн бодис их байна

Импортын хүнсний бүтээгдэхүүнээс татгалзах хэрэгтэйг мэргэжлийнхэн анхаарууллаа. Бидний өдөр тутмын хүнсний энгийн хэрэглээнд генийн өөрчлөлттэй болон химийн бодис агуулсан бүтээгдэхүүн цөөнгүй байдаг байна.

Тухайлбал, дотооддоо үйлдвэрлэдэг хийжүүлсэн бүх төрлийн ундаа, мөн импортын жимс, чихэр, шоколад, хүнсний ногоо зэрэг нь үнэр, амт оруулагч химийн бодисыг ихээр агуулсан аж.

Тиймээс хүнсний сонголтоо зөв хийх нь чухал гэдгийг Нийгмийн эрүүл мэндийн үндэсний төвийн хүнсний аюулгүй байдал хариуцсан эрдэм шинжилгээний ажилтан н.Даваадулам зөвлөлөө.