Хүнсний ногооны урамшуулалд 8.2 тэрбум төгрөг олголоо

Хүнс, хөдөө аж ахуй, хөнгөн үйлдвэрийн яам хүнсний ногооны тариалалтыг нэмэгдүүлэх, тариаланчдаа дэмжих зорилгоор зах зээлд худалдан борлуулсан, стандартын шаардлага хангасан 10 нэр төрлийн хүнсний ногооны тонн тутамд 100 мянган төгрөгийн мөнгөн урамшууллыг 2022 оноос хойш олгож эхэлсэн.Ил болон хүлэмжийн 10 нэр төрлийн хүнсний ногоонд урамшуулал олгодог. Энэ хүрээнд 2024 оны 8-11 дүгээр сард 82 мянган тонн хүнсний ногоо зах зээлд борлуулсан 782 тариалан эрхлэгчдэд 8.2 тэрбум төгрөгийн урамшууллыг олгосон байна.