Хурдан морь унаач хүүхдүүдийг ирэх бямба гарагт бүртгэнэ

Энэ сарын 9-12-ны өдрүүдэд хурдан морины салбар комиссын морь бүртгэлийн хэсэгт уралдаанд оролцогч хүүхдүүдийг бүртгэх аж. Тодруулбал хурдан морь унаач хүүхдээ бүртгүүлэхээр ирж буй уяачид дараах бичиг баримтуудыг бүрдүүлж ирэх ёстой гэнэ.

• Хүүхдийн төрсний гэрчилгээний хуулбар

• Эрүүл мэндийн дэвтрийн дугаар

• Эрүүл мэндийн үзлэгт орсон бичиг

• Ослын даатгалын баталгаа

• Эцэг эх, асран хамгаалагчийн зөвшөөрөл зэргийг үндэслэн бүртгэл хийнэ.

Хүүхдүүдийн даатгалыг "Монгол", "Практикал", "Миг", "Соёмбо", "Монре", "Хаан", "Ард", "Бодь", "Мөнх", "Номин", "Тэнгэр" зэрэг 11 компани хийнэ.

Уралдааны үед тавигдах шаардлага

• Уралдаанч хүүхдэд стандартын шаардлага хангасан хамгаалалтын хувцасыг бүрэн өмсүүлсэн байна.

• 7-с дээш настай даатгалд хамрагдсан хүүхэд уралдаанд оролцуулна.

• Морь уралдах цагийн хуваарийг баримтлан товлосон хугацаанд нь ирсэн байна.

• Ямар нэг шалтгаалаар мориноос унасан хүүхдийг тухайн уралдаанд дахин хурдан морь унуулахгүй байх.

• Хамгаалах хэрэгсэлгүй хүүхдийг уралдаанд оролцуулахгүй болохыг анхаарах.

Баяр наадмын үеэр уралдаанч хүүхэд болон хүүхдийн эрхийн асуудлаар Хүүхдийн тусламжийн утас 108 дугаарын утсанд хандаж мэдээлэл өгөх, зөвлөгөө, тусламж авах боломжтой.

Жич: Бүртгэхдээ Уяачийн утас, регистерийн дугаар эцэг эхийн овог нэр утасны дугаарыг тодруулж асуух тул тэмдэглэж ирэх