Хөрөнгө оруулагч гадаадын иргэдэд сургалт зохион байгууллаа

Гадаадын иргэн, харьяатын газрын Дорноговь аймаг дахь газар БНХАУ-аас Дорноговь аймгийн Замын-Үүд суманд суугаа Ерөнхий консулын газартай хамтран холбогдох хууль тогтоомжийг сурталчлах ажлын хүрээнд 2017 оны тавдугаар сарын 16-ны өдөр тус аймгийн хэмжээнд үйл ажиллагаа явуулж буй гадаадын хөрөнгө оруулалттай аж ахуйн нэгж, байгууллагын төлөөлөлд сургалт зохион байгууллаа.

Сургалт, хичээлийг тус газрын Хяналтын улсын байцаагч Б.Сүлд-Очир заасан бөгөөд энэ үеэр байгууллагын бүтэц, чиг үүрэг, үзүүлж буй үйлчилгээ, холбогдох хууль журмыг хөрөнгө оруулагчдад танилцуулж, гадаадын иргэний виз, бүртгэл, оршин суух зөвшөөрлийн талаар мэдээлэл өглөө гэж ГИХГ-ын Дорноговь аймаг дахь газраас мэдээллээ.