ХӨСҮТ-д хоногт 80-90 хүүхэд томуу, томуу төст өвчний тусламж үйлчилгээ авч байна
Томуу, томуу төст өвчний нөхцөл байдлын талаар Халдварт өвчин судлалын үндэсний төвөөс мэдээлэл өглөө.
Мэдээллийн алба
Өнөөдөр томуу, томуу төст өвчний нөхцөл байдлын талаар Халдварт өвчин судлалын үндэсний төвөөс мэдээлэл өглөө.
ХӨСҮТ-ийн Эмнэл зүй эрхэлсэн дэд захирал н.Одмаа "ХӨСҮТ-д өнгөрсөн долоо хоногийн хэмжээнд томуугийн хүлээн авах яаралтай тусламжийн тасагт томуу өвчний улмаас 254 хүн үйлчлүүлж, томуугийн эмчилгээ тусламж авсан. Үүнээс нийт эмчилгээ үйлчилгээ авсан хүмүүсийн 50 хувь нь 2 хүртлэх насны хүүхэд эзэлж байна.
Одоогийн байдлаар ХӨСҮТ-д нийт 442 хүн эмнэлгийн тусламж үйлчилгээ авч байгаагаас 196 нь томуу, томуу төст өвчний улмаас хандаж үйлчилгээ авсан байна. Хоногт 80-90 хүүхдэд томуу, томуу төст өвчний тусламж үйлчилгээ үзүүлж, хэвтэн эмчлүүлэх шаардлагатай тохиолдлыг тасагт шилжүүлж байна" гэлээ.
