ХӨСҮТ-ийн шинжилгээний цэг өдөрт 1200-1300 хүнээс шинжилгээ авч байна

"Цагийн хүрд" мэдээллийн хөтөлбөр: Улаанбаатар хотод дөрвөн цэгээр дамжуулан коронавирусний шинжилгээ авч байна. Иргэд сайн дураараа шинжилгээ өгч байгаагаас шалтгаалж цөөн хэдэн цэгийнх нь ачаалал дээд цэгтээ хүрээд байна.

Иймээс халдвартай хүнтэй ойрын хавьтал болсон, эсвэл шинж тэмдэг илэрсэн тохиолдолд шинжилгээ өгөхийг ХӨСҮТ-өөс анхааруулж байна. Шинжилгээний болоод дархлаажуулалтын цэгүүд үргэлжилсэн амралтын өдрүүдэд хэрхэн ажиллаж байгаа талаар бид сурвалжиллаа.