Хүүдээ зэрлэг авирласан эцгийг өнөөдөр шүүнэ

Өнгөрсөн тавдугаар сард таван настай хүүхдээ төрсөн эцэг нь заазуураар эрэмдэглэсэн хэрэг гарч олныг ихээхэн цочролд оруулж байсан. Баянзүрх дүүргийн цагдаагийн хэлтсээс түүнд Эрүүгийн хуулийн 181.3, 100.1-т зааснаар хэрэг үүсгэн шалгасны үндсэн дээр прокурорт шилжүүлсэн байна.

Прокуророос тус хэргийг шүүхэд шилжүүлсэн бөгөөд Баянзүрх дүүргийн шүүхэд хэргийг өнөөдөр шүүнэ. Сэжигтний хувьд өмнө нь шүүхээс таван удаа ял шийтгүүлж, 10 гаруй удаа эрүүлжүүлэгдэж байсан. Мөн л гэр бүлийн хүчирхийлэл үйлдсэн гэх үндэслэлээр ял сонсож байсан аж.