Хүүхдийн ханиад, амьсгалын замын өвчнөөс сэрэмжлүүлж байна

Хүйтэн сэрүүний улиралд бага насны хүүхэд ханиад хүрч, цаашлаад уушгины хатгаа тусах эрсдэлтэй байдаг. Тэгвэл бага насны хүүхэд энэ төрлийн өвчин тусахаас урьдчилан сэргийлэхийг эмч, мэргэжилтнүүд зөвлөлөө.

Хүүхэд тань ханиаж халуурах, зовиурлаж уйлах, хоолонд дургүй болох, ядарч сульдах зэрэг шинж тэмдэг илэрвэл эмнэлэгт хандах хэрэгтэй. Мөн хүүхдийнхээ амьсгалыг тоолж сурснаар уушгины хатгаа туссан эсэхийг мэдэх боломжтой гэж Эх хүүхдийн эрүүл мэндийн үндэсний төвийн Сургалт сурталчилгааны албаны дарга н.Галбадрах хэллээ. Улсын хэмжээнд тав хүртэлх насны хүүхэд уушгины хатгаа тусах нь ихэсч байгааг эмч нар хэлж байна.