Хүүхдүүдэд хямд үнэтэй, чанартай үдийн цайгаар үйлчилнэ

Өмнөговь аймгийн Засаг даргын орлогч Х.Батболд, Засаг даргын Тамгын газрын дарга Ө.Баянмөнх нар сургууль, цэцэрлэгийн захирал, эрхлэгч нартай уулзаж тулгамдсан асуудлыг шийдвэрлэлээ. Тухайлбал, цэцэрлэг, сургуулиудын үдийн цайг бэлтгэх хүнсний бүтээгдэхүүн үнэтэй, чанар, эрүүл ахуйн шаардлага хангадаггүй талаар хэлэлцсэн юм. Сурагч хүүхдүүдийн эрүүл мэндэд сөргөөр нөлөөлөхгүй, эрүүл мэндийг дэмжсэн хямд үнэтэй, чанартай үдийн цай хөтөлбөрийг хэрэгжүүлэхэд аймгийн удирдлагууд сургууль, цэцэрлэгүүдийн удирдлагуудтай хамтарч ажиллана.